அப்பாவிப் பதிவரிடம் கைவரிசை காட்டிய ப்ரபல பதிவர்!

அப்பாவிப் பதிவரிடம் கைவரிசை காட்டிய ப்ரபல பதிவர்!

Posted By Chamundeeswari Parthasarathy On 7:35 AM Under அனுபவம், நகைச்சுவை, பதிவர் வட்டம்

       வணக்கம் தமிழ்ப் பதிவுலகமே வணக்கம்! பதிவர் சந்திப்பு அன்னைக்கு நீங்க எல்லாம் கவனிச்சு இருக்காத ஒரு சூடான விசயம் எங்கிட்ட இருக்கு!

 என்னது? உங்களுக்கு ரொம்ப போரடிக்குதா? எல்லாப் பதிவர்களுமே இதே விசயத்த சொல்லி சொல்லி கில்லி அடிக்கிறாங்களா?


 அவங்க எப்டி வேனும்னாலும் கில்லி அடிக்கட்டும், இப்ப இந்த வில்லியோட கில்லி என்னனு பாருங்க!







       அதுதாங்க பதிவர் சந்திப்புக்கு நான் என்னவரோட வந்தேனா, சந்திப்பு முடிஞ்சு நாங்க மெரீனா பீச் போகலாமேநு ஆசை ஆசையாப் போனோம்!

 அங்க அப்டியே எம்ஜியார் சமாதி, அண்ணா சமாதி எல்லாம் பாத்துட்டு கடல் காத்து வாங்கலாமேனு அப்டியே மணல்ல உக்காந்து பேசீட்டு இருந்தோம்!

       அங்க வேற ஒரே பொண்ணுங்க ஆண்டிக கூட்டங்கூட்டமா இருந்தது என்னவருக்கு ரொம்பவே வசதியாப் போச்சு! நான் கடல் காத்து வாங்கலாம்னு சொன்னதும் ஒரு வார்த்த கூட பேசாம சைட்டிங் ஜொல்லிங் வேலையப் பயங்கர சின்சியராப் பாத்துட்டு இருந்தார்!


       சரி கொஞ்ச நேரம் காத்து வாங்கீட்டு அப்டியே கோயம்பேடு  வரலாம்னு அப்டியே காலார நடந்து வந்தோமா, திடீர்னு ஒருத்தர் சுண்டல் வித்துட்டு இருந்தாரா, நமக்கும் பீச்ல சுண்டல் சாப்டனும்னு ஆசையா இருந்துச்சா,

 “ஏங்க ஏங்க, எனக்கு சுண்டல் வாங்கித் தாங்களே” னு கேட்டேனா, சரினு அவரும் சுண்டல் விக்கரவர கூப்டு 2 சுண்டல் ஆர்டர் பண்ணினார்!

       பணம் தரலாமேனு பர்ச எடுக்கப் போன அவரு திடீர்னு பரபரப்பானார்! என்னனு நானும் அவரையே பாக்க “இல்ல என்னோட பர்ச யாரோ அடிச்சிட்டாங்க போல” என்றார்.

 “என்னது? எனக்கு அப்பவே தெரியும், ஆண்ட்டிகளயே பாத்துட்டு இருக்கும் போதே நான் டவுட்டானேன்”னு நல்லா டோஸ்!

 “சரி அத விடு, இப்ப என்ன பண்ணலாம்?”னு அவர் கேக்க,
 “அதுதாங்க தெரியல”னு நான் சொன்னேன்”!

       அப்பறம் திடீர்னு அவரு “ஏ! நம்ம ப்ரச்சன தீந்துடுச்சு!” அப்டின்னார்! “என்ன? பர்சு கெடச்சுடுச்சா?”னேன்.

 “இல்ல, அங்க ஒருத்தர் இருக்கார், அவரு பேரு கூட நீ ஏதோ ஜாக்கினு சொன்னியே! அவரு இங்கதான் இருக்காரு!”ன்னார்!

 “ஆமா, ஜாக்கி சேகர்! அவர் கண்டிப்பா நமக்கு ஹெல்ப் பண்ணுவாருங்க! வாங்க போய் கேக்கலாம்!” அப்டின்னேன்!

       “சார் வணக்கம், நாந்தான் சாமுண்டீஸ்வரி, இது எந் வீட்டுக்காரர். அப்போ கூட்டத்துல உங்ககிட்ட சரியா பேச முடியல. நீங்க எழுதர உப்புக் காத்து ரொம்ப நல்லா இருக்கு”னேன்! அவரு சின்னதா சிரிச்சுட்டு, “ரொம்ப தேங்ஸ்மா, மின்னல் வரிகள் பாலகனேஷ் உங்களப் பத்தி எங்கிட்ட சொல்லி இருக்கார். வாழ்த்துக்கள்மா”னார்! ோ தங்க்யூ சோ மச் சார் என்றேன்!

       “சார், ஒரு சின்ன உதவி” என்றுென் கணவர் தயக்கத்துடன் கேட்டார்.
 “ம்ம் சொல்லுங்க சார்” இது ஜாக்கி. “அது என்னோட பர்ச யாரோ அடிச்சிட்டாங்க, ஊருக்குப் போய் சேர மட்டும் ஒரு 500 ரூபா இருந்தா குடுக்க முடியுமா? ஊருக்குப் போனதும் திரும்ப அனுப்பி வெச்சுட்றேன்” என்று நிறுத்தினார்!

       “அது ஒன்னும் ப்ரச்சன இல்லைங்க, ஆனா ஏங்கிட்டையும் சுத்தமா பணமே இல்லீங்க. இப்பத்தான் இருந்த பணத்தப் போட்டு யாழினிக்கு பொம்ம வாங்கீட்டேன்” எம்று பொம்மையை எடுத்துக் காட்டினார்.

 சிறிது நேர யோசனைக்குப் பின், சரி நீங்க கொஞ்சம் அங்க வெயிட் பண்ணுங்க, நான் உங்களுக்கு எப்டியாவது அரேஞ்ச் பண்ணித் தறேன்” என்றார்!

       அப்போ அங்கே ஒருத்தர் வேகவேகமா ஓட்ரா மாதிரியே நடந்து வந்தார். பாத்தா நம்ம பாலகனேஷ் சார். என்னவர் “ஏ உன்னோட ஃப்ரெண்டுதான் அங்க வரார். வாயேன், நம்ம போய் அவருகிட்ட கேக்கலாம்” ன்னார்.

 “இல்ல, ஜாக்கி வேற வெயிட் பண்ண சொல்லி இருக்காரில்ல, பாக்கலாம்”  நான்!

       சரினு கொஞ்ச நேரம் வெயிட் பண்ணிப் பாத்தோம். ஆனா அவங்க 2 பேரும் பேசிட்டு மட்டும்தான் இருக்காங்களே தவிற, நம்ம வேல ஆகுரது மாதிரி
 தெரியலனுட்டு நாங்க அவங்க இருக்க திசை நோக்கி நகர்ந்தோம்.

 அப்பறம் எங்கள  பாலகனேஷ் சார்னால பாக்க முடியாதபடி ஜாக்கி சார் மட்டும் எங்களப் பாக்கர திசையில நின்னுட்டு எங்களப் பாத்து மொறச்சுட்டு வெயிட் பண்ண சொல்லி கண்ணால ஜாடை காட்டினார்!

      அப்பறம் நாங்களும் நின்னுட்டோம். சரி என்னதான் பண்றாருனு பாத்தா, பேசீட்டேதான் இருந்தாங்க. அப்பறம் கனேஷ் சாரும் பை சொல்லீட்டு கெளம்பீட்டார்!

      அப்டியே அலேக்கா திடீர்னு 1 பர்சு ஜாக்கி சார் கைக்கு பின்னாடி இருந்தது. அத அப்டியே எங்ககிட்ட காட்டீட்டு சிரிச்சுகிட்டே எங்கள நோக்கி வந்து “உங்க ப்ரச்சன தீந்துடுச்சு”. “என்ன சார், பாலகனேஷ் சார்கிட்ட கேட்டிங்களா?”னு நான் கேக்க, “இல்ல அவரு பர்ச அடிச்சுட்டேன்”ன்னார்.

 “ஐயோ, என்ன சார், ஏன் இப்டி பண்ணீங்க”னு கேட்டதுக்கு, “எப்டியோ உங்க ப்ராப்லம் சால்வாயிடுச்சில்ல”னு பர்சுல இருந்த 500 ரூபாவக் குடுத்துட்டு, பர்சையும் குடுத்துட்டு, “ஊருக்குப் போனதும் ஃபோண் பண்ணுங்க”னும் சொல்லீட்டு கடகடனு கெளம்பீட்டார்!.

       நான் அப்டியே தேம்பித் தேம்பி அழ ஆறம்பிச்சுட்டேன். எங்க பி.எம் கிட்ட, “என்ன 1 மனுசன் இவர்? இப்டி நமக்காக திருடி கூட உதவி செய்யிராரே” அப்டினு தேம்பித் தேம்பி அழ ஆறம்பிச்சு ஒரு கட்டத்துல மணல்ல ஒரு கொலமே தேங்கிடுச்சு, என்னோட கண்ணீராலனா பாருங்களேன்!...

       அப்பறம், கொஞ்ச கொஞ்சமா எனக்கு நினைவு திரும்ப ஆறம்பிச்சுடுச்சு. அப்டியே கொசுவத்திச் சுருள்கள் எல்லாமே முன்னோக்கி சுழலுது. அப்பறம்தான் நான் எங்க வீட்டு பெட் ரூம்ல தூங்கீட்டு இருந்தது ந்யாபகத்துக்கு வருது.

அப்பறமாத்தான் தெரியுது, நான் கண்டது கணவுண்ட்டு!

ஹிஹிஹிஹிஹிஹி........ அவ்வ்வ் நான் வாங்கின பல்ப நீங்க வாங்க வேனாமா? அதுக்குத்தான் இப்டி!

       ஆஹா... யாருப்பா அது? ஒரு பெரிய கூடைல தக்காளி அதுவும் அழுகின தக்காளி எடுத்துட்டு வரது?“ நோ சார் நோ, உங்ககிட்ட இருந்து அவருதானே பர்ச அடிச்சாரு ,சோ தக்காளிய அவருக்கே குடுத்துடுங்க! ஓகேவா?”

       சரி சரி படிக்கிற நீங்களும் பாலகனேஷ் சார் மாதிரி தக்காளி எடுக்கரதுக்குள்ள, நான் ஜூட் விடுறேன். ஆனா, அதுக்கு முன்னாடி பதிவர் சந்திப்பப் பத்தி எல்லாரும் பதிவு போடுராங்களே நம்ம மட்டும் எதுவும் போடலையேனுதான் நான் இந்த பதிவு போட்டு இருக்கேனு நெனைக்காதிங்க!

       பதிவர் சந்திப்பு அன்னைக்கு மத்திய உனவு இடைவேலையின் போது பாலகனேஷ் சாருக்கு அலைபேசியில் தொடர்பு கொண்டு லைவ் நல்லா பாக்க முடுஞ்சத சொன்னேன். அவரும், “நாங்க யார்கிட்ட கேக்கறதுனு தெரியாம முழுச்சுகிட்டு இருந்தோம், நல்ல வேல நீங்க கூப்பிட்டுட்டீங்க”னு சொன்னார். அப்போ ஒரு விசயம் சொன்னேன், “நான் எதிர்பார்த்த ஒரே ஒரு விசயம் மட்டும் நடக்கவே இல்ல சார்” னேன். “என்னம்மா அது?”ன்னார். “ஜாக்கி சேகர் நல்லாப் பேசுவார்னு நெனச்சேன், ஆனா, ஷாட் & ஸ்வீட்டா முடிச்சுட்டார்”னு சொன்னேன்!

 “தோ போனதுமே ஃபோண்ல கண்டிப்பா நீங்க பேசலாம். நான் பேச வைக்கிறேன்” அப்டினு சொன்னார்!

       சொல்லி 5 நிமிசம் கூட இருக்காது, ஒரு ஃபோண் கால். “ஹலோ சாமுண்டீஸ்வரி, பிறந்த நாள் வாழ்த்துக்கள்” என்றது ஒரு ஆன் குரல். அப்பவே நான் கெஸ் பண்ணீட்டேன் அது ஜாக்கியாதான் இருக்கும்னு. ஆனா நம்மளுக்கே உரிய ஜாக்கிரதை உணர்வோடு, “நீங்க...” என்று இழுத்தேன். “நாந்தான் ஜாக்கி சேகர் பேசுரேன், பாலகனேஷ் உங்க நம்பர் குடுத்தார்” என்றார்.

 அப்பறம் நலம் விசாரிச்சுகிட்டோம்.

        “நீங்க எழுதீட்டு வர உப்புக்காத்து சீரீஸ் ரொம்ப நல்லா இருக்கு, ரொம்ப பவர்ஃபுல்லா எழுதுரீங்க, நானெல்லாம் இன்னைக்குத்தான் எழுத ஆறம்பிச்சு இருக்கேன், நான் சொல்ரதுக்கு எதுவுமில்ல, ஆனா சார், ஆனாலும் என்னால இத சொல்லாம இருக்க முடியல” அப்டினு நிறுத்தினேன்.

 அவரு பனிவா நன்றி சொன்னாரு. ### எப்பவுமே நான்ஸ்டாப் பேச்சுதான்! எதிராலியப் பேசவே விட மாட்டோமில்ல! அவ்வ்வ்வ்

       நீங்க அதிகம் பேசுவீங்கனு எதிர்பாத்தேன், ஆனா ஷாட் & ஸ்வீட்டா பேசிட்டிங்களே” என்றேன்!
 “இல்லமா என்ன பேசரதுனு தெரியல ப்லான் பண்ணல அதுதான்” என்றார்!

 ஒரே ஒருதடவ உங்கள ஃபேஸ்புக்ல பாத்து இருக்கேன்”ன்னார். ஆமாம் சார்! ரெக்வஸ்ட் அக்சப்ட் பண்ணீங்க” என்றேன்!

       அப்பறம் பை சொல்லி வெச்சுட்டோம்! இப்போ முதல்ல பாலகனேஷ் சாருக்கு மிக்க நன்றி சொல்றேன்! ஒரு வார்த்த சொன்னதுமே ஃபோன் நம்பர் குடுத்து பேச சொல்லிட்டாரு! அப்பறம் எவ்வளவு பிசியா இருந்தாலும் பொறுமையா நம்ம பேசும் போது கேட்டு பதில் சொல்லுவாரு! இந்த ஒரு பண்ப மட்டும் நீங்க எனக்குக் கடனா குடுத்தா..... புன்னியமாப் போகும் சார்! அவ்வ்வ்வ்வ்வ்...
என்னதான் ட்ரை பண்ணாலும் நமக்கு அதுதான் இல்லயே.... சோ கடன் அன்பை முறிக்கும்னு எல்லாம் சொல்லாம ஒழுங்கா கடன் குடுத்துடுங்க!

       அடுத்து, ஜாக்கி சார், அவருக்கு பாலகனேஷ் சார் ஃபோண் நம்பர் குடுத்ததுமே உடனே ஃபோண் பண்ணி பேசினார். அந்த நல்ல பண்புக்கு மிக்க நன்றி!

       அடுத்து அப்துல்பேசித் சார், அவரோட ப்லாக்ல இருந்துதான் லைவ் பாக்க முடிஞ்சது! அவருக்கு சிந்தனைச் சிறகுகள் வாயிலாக எனது மனமார்ந்த நன்றிகளைத் தெரிவித்துக் கொள்கிறேன்!

       அடுத்தது, இவ்வளவு நாளா 2 மாசமா நான் போட்ர எல்லா மொக்கையுமே பொறுமையாப் படிச்சு ஆதரவு குடுத்துட்டு வர, இனிமேலும் குடுக்கப் போர எல்லாப் பதிவர்களுக்கும் வாசகர்களுக்கும் மிக்க மிக்க மிக்க நன்றி!

       சரி சரி... நான் கெளம்பறேன்! பதிவு சுமாரா இருந்தா கூட பரவால்ல, அப்டியே உங்க கருத்த சொல்லுங்க,ஓட்டையும் போட்டுடுங்க! வர்ட்டுமா? டாட்டா.....

Tweet

sindanaisiragugal.blogspot. thanks